ஐதராபாத்: கேம்பஸ் ஃப்ரண்ட் ஆஃப் இந்தியாவின் தேசிய பொதுக்குழு கடந்த 1ஆம் தேதி அன்று ஐதராபாத்தில் வைத்து கூடியது. வருகின்ற 1 வருடத்திற்கான புதிய தேசிய தலைவர்களை தேர்ந்தெடுப்பதற்காக இப்பொதுக்குழு கூடியது. இதுவரை தேசிய பொதுச்செயலாளராக இருந்து வந்த சகோதரர் அனீஸுஜமான் தேசிய தலைவராக தேர்ந்தெடுக்கப்பட்டார். ராஜஸ்தான் மாநிலத்தைச்சேர்ந்த சகோதரர் ஆசிஃப் மிர்ஜா தேசிய துணைத்தலைவராக தேர்ந்தெடுக்கப்பட்டார்.ஆந்திர மாநில கேம்பஸ் ஃப்ரண்டின் தலைவர் சகோதரர் அப்துல்லாஹ் நிகழ்ச்சியை தொகுத்து வழங்கினார். தேசிய பொருளாளர் மதீனுத்தீன் வரவேற்புரை நிகழ்த்தினார். தேசிய தலைவர் வழக்கறிஞர் முஹம்மது யூசுஃப் தலைமை தாங்கினார்.
மனித உரிமைக்கான தேசிய கூட்டமைப்பு (NCHRO)வின் பொதுச்செயலாளர் வழக்கறிஞர் கே.பி. முஹம்மது ஷரீஃப் சிறப்புரை ஆற்றினார். அவர் தன்னுடைய உரையில் மாணவ சமுதாயம் தற்போது மிகப்பெரும சவால்களை எதிர்கொள்ளவேண்டியுள்ளது, சமூக இயக்கங்களுக்கு முதுகுஎழும்பாக திகழ்வது இந்த மாணவ சமுதாயம் தான், ஆகவே மாணவ சமூகம் சமூக மாற்றத்திற்காக கடுமையாக உழைக்கவேண்டும் என கேட்டுக்கொண்டார்.
தேசிய பொதுச்செயலாளர் அனீஸுஜமான் ஆண்டறிக்கையை பொதுக்குழுவில் சமர்பித்தார். பல்வேறு விதாமான கலந்தாய்வுகள் நடந்த பிறக் பொதுக்குழு ஒரு மனதாக ஆண்டறிக்கையை ஏற்றுக்கொண்டது.
இந்நிகழ்ச்சியில் தேசிய நிர்வாகிகள் மற்றும் தேசிய செயற்குழு உறுப்பினர்கள் தேர்ந்தெடுக்கப்பட்டார்கள். தேசிய ஆலோசனைக்குழுத்தலைவர் அனீஸ் அஹமது தேர்தலை நடத்தினார். அதில் கீழ் கண்டவாறு நிர்வாகிகள் தேர்ந்தெடுக்கப்பட்டார்கள்.
தேசிய நிர்வாகிகள்:
தேசிய தலைவர்: முஹம்மது அனீஸுஜமான், ஜவஹர்லால் நேரு பல்கலைகழகம், புது டெல்லி
தேசிய துணைத்தலைவர்: ஆசிஃப் மிர்ஜா, ராஜஸ்தான்
தேசிய பொதுச்செயலாளர்: சி.ஏ. ரவூஃப், கேரளா
தேசிய செயலாளர்: மெஹ்பூஸ், கர்நாடகா
தேசிய பொருளாளர்: அப்துர்ரஹ்மான், கர்நாடகா
தேசிய செயற்குழு உறுப்பினர்கள்:
இம்தாதுல் ஹக், அலிகார் முஸ்லிம் பல்கலைகழகம், உத்திர பிரதேசம்
உபைதுர் ரஹ்மான், ஜவஹர்லால் நேரு பல்கலைகழகம், புது டெல்லி
ரபியூல் இஸ்லாம், மேற்கு வங்காளம்
வி.எம். ஃபஹத், கேரளா
எஸ்.எம். ஷாஃபி, தமிழ் நாடு
வழக்கறிஞர் முஹம்மது யூசுஃப், தமிழ் நாடு
தேசிய அலுவலக நிர்வாகிகள்:
அஜ்மல் இஸ்மாயில், கேரளா
ஹஸன் ஃபாரூக், தமிழ் நாடு
முஹம்மது ஷாஹித், கர்நாடகா
அப்துல்லாஹ், ஆந்திர பிரதேஷ்
அமினுல் இஸ்லாம், மேற்குவங்காளம்,
ஜமிலுர் ரஹ்மான், மணிப்பூர்
சலீம் ஜஹாங்கிர், டெல்லி பல்கலைகழகம்
தேசிய ஆலோசனைக்குழுத்தலைவர் உரையாற்றும்பொழுது இன்று மாணவ சமுதாயத்தை தவறான பாதைக்கு அழைத்துச்செல்லக்கூடிய பல சூழ்சிகளை நடந்து வருகின்றது, அவற்றை முறியடித்து நாட்டுக்கு பயன் தரும் வகையில் நமது பணிகள் இருக்க வேண்டும் என கேட்டுக்கொண்டார்.
புதிதாக தேர்ந்தெடுக்கப்பட்ட தேசிய தலைவர் அனீஸுஜமான் ஊக்குவிக்கும் வகையில் உரை நிகழ்த்தினார். இறுதியாக தேசிய பொதுச்செயலாளர் சி.ஏ. ரவூஃப் நன்றியுரை நிகழ்த்தினார். பின்னர் பொதுக்குழுவின் தீர்மானங்கள் எடுக்கப்பட்டது. இந்நிகழ்ச்சிக்கு நாட்டின் பல்வேறு மாநிலங்களில் இருந்தும் நிர்வாகிகள் வந்து கலந்து கொண்டனர்.
0 விமர்சனங்கள்:
கருத்துரையிடுக