உள்ளாட்சித் தேர்தலில் எஸ்.டி.பி.ஐ குறைந்த அளவு வெற்றியை பெற்றுள்ளது.

தமிழகத்தில் நடந்து முடிந்த உள்ளாட்சித் தேர்தலில் பெறும் பெறும் கட்சிகள் தனித்து களம் கண்ட வேலையில் எஸ்.டி.பி.ஐ  சில இஸ்லாமிய இயக்கங்கள், தலித் கட்சிகள், கிறிஸ்தவ அமைப்புகளின் ஆதரவோடு உள்ளாட்சித் தேர்தலை சந்தித்தது. இதில் 62 இடங்களில் வெற்றியையும் பெற்றுள்ளது.


கடந்த 2009 ஆம் ஆண்டு ஜூன் மாதம் டெல்லியில் வைத்து தொடங்கப்பட்ட தேசிய அரசியல் இயக்கமான எஸ்.டி.பி.ஐ பல மாநிலங்களிலும் அடித்தளமிட்டு வருகிறது. தொடங்கப்பட்டு சில ஆண்டுகளிலேயே மேற்கு வங்காளம், ராஜஸ்தான், கர்நாடகா போன்ற மாநிலங்களில் உள்ளாட்சித் தேர்தலை எதிர்கொண்டது.  அதே போன்று சில மாதங்களுக்கு முன்னால் கேரளாவில் நடைபெற்ற உள்ளாட்சித் தேர்தலிலும் போட்டியிட்டு 17 இடங்களில் வெற்றியை பெற்றது.

தமிழகத்திலும் எஸ்.டி.பி.ஐ கட்சியினர் நன்கு அடித்தளமிட்டு வருகின்றனர். கடந்த மே மாதம் நடைபெற்ற சட்டமன்றத் தேர்தலில் எந்தக்கட்சியுடனும் கூட்டணி சேராமால் தனித்து களம் கண்டது. தான் போட்டியிட்ட 7 தொகுதிகளிலும் தோல்வியடைந்தாலும் எஸ்.டி.பி.ஐ யினர் கணிசமான வாக்குகளை பெற்றனர் என்பது பலரி கருத்தாகவும் இருந்தது.

தற்போது நடந்த முடிந்த உள்ளாட்சித் தேர்தலில் தமிழகம் முழுவதும் மாநகராட்சி, நகராட்சி, ஊராட்சி, பேரூராட்சி, பஞ்சாயத்து வார்டு என மொத்தம் 360 இடங்களில் போட்டியிட்டது. இதில் 62 இடங்களில் வெற்றியை பெற்றுள்ளது. அதே போன்று இன்னும் பல பகுதிகளில் வெற்றி தோல்வியை மாற்றும் சக்தியாகவும் எஸ்.டி.பி.ஐ உருவெடுத்துள்ளது. சென்னையில் மாநகராட்சி மேயர் உட்பட மொத்தம் 21 இடங்களில் போட்டியிட்ட எஸ்.டி.பி.ஐ கட்சியினர் ஒரு இடத்திலும் வெற்றி பெறவில்லை. ஆனால் சென்னை மண்ணடி 60வது வார்டில் போட்டியிட்ட அமீர் சுல்தான் மற்றும் 53 வார்டில் போட்டியிட்ட புஷ்பராஜ் ஆகியோரும் கணிசமான வாக்குகளை பெற்று திராவிட கட்சிகளின் தோல்விக்கு காரணமாயிருந்திருக்கிறார்கள்.

வெற்றியும் தோல்வியும் இறைவன் புறத்திலிருந்து வருவது என்பதை நன்கு உணர்ந்து கொண்டு தொய்வில்லாமல் சமூகப்பணிகளில் ஈடுபட வேண்டும் என்பதை பாப்புலர் ஃப்ரண்ட் சார்பாக எஸ்.டி.பி.ஐ கட்சியினரை கேட்டுக்கொள்கிறோம்.

எஸ்.டி.பி.ஐயினர் பெற்ற வெற்றிகளின் விபரம் வருமாறு:-


கார்ப்பரேஷன் வார்டு - 2
முனிசிபாலிட்டி வார்டு - 2
டவுன் பஞ்சாயத்து  வார்டு - 8
பஞ்சாயத்து வார்டு - 50

என மொத்தம் 62 இடங்களில் வெற்றி பெற்றுள்ளார்கள். வெற்றி பெற்ற அனைவருக்கும் பாப்புலர் ஃப்ரண்ட் சார்பாக வாழ்த்துக்களை தெரிவித்துக்கொள்கிறோம்.

இவண்
பாப்புலர் ஃப்ரண்ட் ஆஃப் இந்தியா - சென்னை மாவட்டம்