கேரளத்தில் கல்வி உதவித்தொகை வழங்கிய பாப்புலர் ஃப்ரண்ட்

திருவனந்தபுரம்: பாப்புலர் ஃப்ரண்டின் சமூக மேம்பாடு திட்டத்தின் கீழ் கேரள மாநிலத்தில் ஏழை எளிய மாணவ மாணவிகளுக்கு கல்வி உதவித்தொகை வழங்கும் நிகழ்ச்சி நடைபெற்றது. இதற்கான ஏற்பாடுகள் மாநிலத்தில் நான்கு மண்டலங்களிலும் நடைபெற்றது.

கே.ஹெச். நாசர் அவர்கள் உதவித்தொகையினை வழங்குகிறார், எர்ணாகுளம்

திருவனந்தபுரத்தில் பத்திரிக்கையாளர்கள் சந்திப்பு அரங்கத்தில் வைத்து நடைபெற்ற இந்நிகழ்ச்சிக்கு மாநில செயற்குழு உறுப்பினர் சமது அவர்கள் கலந்து கொண்டு உதவித்தொகையினை வழங்கினார். கேம்பஸ் ஃப்ரண்ட் ஆஃப் இந்தியாவின் கோட்டயம் மாவட்ட செயற்குழு உறுப்பினர் மேற்படிப்பு வழிகாட்டி வகுப்பினை நடத்தினார். பாப்புலர் ஃப்ரண்ட் ஆஃப் இந்தியாவின் சமூக மேம்பாட்டு துறையின் மாவட்ட பொருப்பாளர் நாசர், மாவட்ட செயலாளர் ஷர்புதீன் மெளலவி, கேம்பஸ் ஃப்ரண்டின் மாவட்ட நிர்வாகிகளான ஷிஹாபுதீன், சரஃப் பச்சலூர் ஆகியோர் கலந்து கொண்டு உரை நிகழ்த்தினார்கள்.

அதே போன்று எர்ணாகுளத்தில் மெக்கா ஆடிட்டோரியத்தில் வைத்து நடைபெற்ற மற்றொரு நிகழ்ச்சியில் பாப்புலர் ஃப்ரண்ட் ஆஃப் இந்தியாவின் மாநில துணைத்தலைவர் கே.ஹெச். நாசர் அவர்கள் கலந்து கொண்டு உதவித்தொகையினை வழங்கினார்.

எர்ணாகுளம், இடுக்கி, கோட்டயம் போன்ற பகுதிகளைச்சேர்ந்த மேற்படிப்பு படித்து வரும் 40ற்கும் மேற்பட்ட மாணவர்களுக்கு உதவித்தொகை வழங்கப்பட்டது. இமாம்ஸ் கவுன்சிலின் சார்பாக ஏழை எளிய இமாம்களுக்கும் உதவித்தொகை வழங்கப்பட்டது. பாப்புலர் ஃப்ரண்ட் ஆஃப் இந்தியாவின் எர்ணாகுளம் மாவட்ட தலைவர் ஜமால் முஹம்மது அவர்கள் இந்நிகழ்ச்சிக்கு தலைமை தாங்கினார்.

சமது அவர்கள் உதவித்தொகையினை வழங்குகிறார், திருவனந்தபுரம்