இராமநாதபுரம் கேணிக்கரை இராஜா தினகர் பள்ளி அருகில் ஏற்பட்ட தீவிபத்தில் ஐந்து வீடுகள் எறிந்து முற்றிலும் தீக்கிரையானது. சம்பவத்தை கேள்விப்பட்டு விரைவதற்குள் அனைத்து பொருட்களும் எரிந்து நாசமாகின.
இதனை பார்வையிட சென்ற பாப்புலர் ஃப்ரண்ட் ஆஃப் இந்தியாவின் சகோதரர்களிடம் பாதிக்கப்பட்ட வயதான மூதாட்டி ஒருவர் தன்னுடைய வீடு, பொருட்கள் முற்றிலும் எரிந்ததையும் தான் நிர்கதியற்ற நிலையில் நிற்பதாகவும் கண்ணீர்மல்க கூறினார். மீண்டும் தன் வாழ்க்கையை துவக்க தேவையான உதவிகள் செய்ய கோரிக்கை வைத்தார்.
அந்த மூதாட்டியின் கோரிக்கையை ஏற்று பாப்புலர் ஃப்ரண்ட் ஆஃப் இந்தியாவின் சமூக மேம்பாட்டுத்துறை சார்பாக ரூபாய் 5000 மதிப்புள்ள அவர்களுக்கு அன்றாடம் பயன்படுத்தும் அத்தியாவசிய பொருட்களான பாய், தலையனை, இட்லி சட்டி, அடுப்பு, ஊதுகுழல், செம்பு, தண்ணீர் குவளைகள், இடியாப்ப உரை, தட்டு, பாத்திரங்கள், அரிசி, தண்ணீர் குடம் அனைத்தும் வாங்கி தரப்பட்டது.
பொருட்கள் அனைத்தையும் பாப்புலர் ஃப்ரண்ட் ஆஃப் இந்தியாவின் செயல்வீரர்கள் நவாஸ் கான், அப்துல் ஜமீல், முஹம்மது லாஹிர், நஜிமுதீன் ஆகியோர் வழங்கினர்.
நன்றி: ராமநாதபுரம் பாப்புலர் ஃப்ரண்ட்
0 விமர்சனங்கள்:
கருத்துரையிடுக