குர்ஆனின் மொத்த வசனங்களின் எண்ணிக்கை "6666"?

சமீபத்தில் எனக்கு ஒரு மின்னஞ்சல் என்னுடைய மின்னஞ்சல் முகவரிக்கு வந்திருந்தது.  திருக்குர்ஆன் பற்றிய செய்தியாக இருந்ததால் ஆர்வமுடன் அதை படிக்க ஆயத்தமானேன். அதில் குர்ஆனில் மொத்தம் எத்தனை சூராக்கள், எத்தனை வசனங்கள், இந்த பெயர் எத்தனை முறை இடம்பெற்றுள்ளது, போன்ற தகவல்கள் அதில் குறிப்பிடப்பட்டிருந்தது. அதில் மிகவும் வேதனை அடைய வேண்டிய விஷயம் என்னவென்றால் பலரும் ஒரு உண்மையை உணராமல் தவறான பிரச்சாரத்தால் கவரப்பட்டு தனக்கு கிடைத்த செய்தி உண்மையா? என்றுகூட ஆராயாமல் அப்படியே பிறருக்கும் அதை அனுப்பி வைக்கிறார்கள்.


இன்றைக்கு எந்த ஒரு முஸ்லிமிடம் ஒரு கேள்வியை கேட்டால் உடனே பதில் வரும். அந்த கேள்வி தான் மொத்தம் குர்ஆனில் எத்தனை வசனங்கள்? என்று உடனே பதில் கிடைக்கும் "6666" என்று. இது உண்மையா? பொய்யா? என்பது கூட அவர்களுக்கு தெரியாது. காரணம் அதைப் பற்றி ஆராயவேண்டும் என்ற எண்ணம் பலருக்கு உதிப்பதில்லை.

சமீபத்தில் ஒரு மதரஸாவினுடைய ஆண்டு விழா நிகழ்ச்சியை தொலைக்காட்சியில் நேரடி ஒளிப்பரப்பை பார்த்துக்கொண்டிருந்தேன். அங்கே மாணவர்களுக்கான நிகழ்ச்சிகள் நடைபெற்றுக்கொண்டிருந்தது. அதிலும் ஆசிரியர் ஒருவர் மாணவரிடம் இதே கேள்வியை கேட்க, மாணவனும் சற்று கூட சிந்திக்காமல் "6666" வசனங்கள் என்று பதிலளித்தான். அதற்கு அந்த ஆசிரியர் அந்த மாணவனின் பதிலைக்கேட்டு பாராட்டுகிறார்.

ஒரு மார்க்கல்வியை கற்றுக்கொடுக்கும் பாடசாலையிலேயே இப்பேற்பட்ட நிலைதான் என்றால் சாதாரண மார்க்க அறிவு இல்லாத ஒருவரின் நிலை எவ்வாறு இருக்கும்? என்பதை நாம் சிந்திக்க வேண்டும். அன்று என்னோடு தொலைக்காட்சியில் அந்த நிகழ்ச்சியை கண்ட என் குடும்பத்தார்களிடம் இந்த செய்தியை தெரிவித்த போதுதான் அன்று தான் அவர்களே உணர்ந்தார்கள்.

குர்ஆனில் மொத்த வசனங்கள் "6666" என்பது தவறாகும். எப்படி இப்பேற்பட்ட ஒரு பொய்யான தகவல்கள் பரவுகிறது? இப்பேற்பட்ட பொய்யான தகவல் யாரால் உருவாக்கப்பட்டது என்பதை விளக்கிக்கூற கடமைப்பட்டுள்ளேன்.

இது கிருத்தவ மிஷனரிகளால் பரப்பப்பட்ட ஒரு பொய்யான தகவலாகும். அறியாமையின் காரணமாக‌ முஸ்லிம்களில் பலரும் இதையே பரப்பி வருகின்றனர். பல இணையதளங்களில் பார்க்கும் போது கூட இப்பேற்பட்ட தவறான பதில்கள் தான் பதிவு செய்யப்பட்டிருக்கிறது. மேலும் குழந்தைகளுக்கான கேள்வி பதில் நிகழ்ச்சிகளில் கூட நான் மேற்கூறியவாறு குர்ஆனில் மொத்தம் "6666" வசனங்கள் என்று கூறப்பட்டு வருகிறது.

கிருத்தவ மத சாஸ்திரப்படி பைபிளில் தஜ்ஜாலின் குறியீடாக "666" என்று குறிப்பிடப்பட்டுள்ளது. இதனை குர்ஆனோடு தொடர்பு படுத்தி நமது நபிகள் நாயகத்தை தஜ்ஜாலாக ( நவூதுபில்லாஹ்!) அந்தி கிருஸ்துவாக பரப்ப வேண்டும் என்ற எண்ணத்தில் தான் இவ்வாறான தவறான செய்திகளை பர்ப்பி உள்ளனர்.


இது சம்பந்தமாக கிருத்தவர்களை நாம் நம்முடைய கேள்விகளை கொண்டு வெகு சுலபமாக வீழ்த்தலாம்...


1. கிருத்தவர்களில் பெந்தகோஸ்தே பிரிவினர் தங்களுடைய புனித பைபிளில் 66 புத்தகங்கள் தான் கடவுளின் வார்த்தையாக நம்புகின்றனர். கிருத்தவர்கள் "6666" அந்திகிருஸ்துவோடு இணைக்கும்போது ஏன் "66" புத்தகங்களையும் இணைக்கக்கூடாது?  "666"வுடன் "6" சேர்க்கும் இவர்கள் ஏன் ஒரு "6" எடுப்பது ஒன்றும் பெரிய காரியம் இல்லையே!

2. பைபிளில் அந்திகிருஸ்துவின் எண் "666" என்று எழுதப்பட்டிருக்கும் புத்தகமான "வெளிப்படுத்தின வீஷேசம்" புத்தக்கத்தை முந்தைய கால கிருஸ்தவர்கள் பலரும் ஏற்றுக்கொள்ளவில்லை. உதாரணத்திற்கு மர்சியோன், ரோமை சேர்ந்த சியோஸ், அலெக்ஸ்ஸான்டிரியாவைச் சேர்ந்த டியோனிஸிஸ், சிரில் ஆஃப் ஜெருசலேம், போன்றவர்களாவர்.

3. இன்றுவரை கிழக்கு பகுதியில் உள்ள கிருத்தவ தேவாலயங்கள் இந்த "ரிவிலேஷன்" என்னும் புத்தகத்தை எற்றுக்கொள்ளவில்லை.

4. பெந்தகோஸ்தே கிருத்தவர்களின் மூத்த தலைவர் மார்ட்டின் லூதர் உட்பட பலரும் இந்த புத்தகத்தை ஏற்றுக்கொள்ளவில்லை.

5. பழைய கால பைபிள்களில் "666" என்பதற்கு பதிலாக "616" என்றுதான் குறிப்பிடப்பட்டிருந்தது.

ஆக இவர்கள் குர்ஆனையும், ரஸூலையும் அந்திகிருஸ்துவோடு இணைப்பது அபத்தமாகும் என்பதை இதன் மூலம் அறிந்து கொள்ளலாம்.

குர்ஆனின் மொத்த வசனங்கள் "6236" என்பது தான் சரியானதாகும். இது சிலரின் கருத்துக்களோடு சற்று மாறுபடும். சிலர் ஒவ்வொரு சூராக்களிலும் உள்ள "பிஸ்மில்லாஹ்....." யும் ஒரு வசனாமாக் எண்ணுவார்கள். எப்படி இருந்த போதிலும் குர் ஆனின் வசனங்கள் "6666" என்பது ஒரு மிகப்பெரிய பொய்யாகும். யார் எண்ணிவிடப்போகிறார்கள் என்ற தைரியத்தில் இப்பேற்பட்ட தவறான செய்திகளை மக்கள் மத்தியில் பரப்பிவிடுகிறார்கள்.

இறை நம்பிக்கையாளர்களே! உங்களுக்கு ஒரு செய்தி கிடைத்தால் அது உண்மைதானா என்று சரி பார்த்த பின்னர் பிறருக்கு தெரிவியுங்கள் என்று குர்ஆன் நமக்கு கட்டளையிடுகிறது. ஆகவே இத்தகைய தவறான பிரச்சாரத்தில் இருந்து ஏனைய முஸ்லிம்களையும் பாதுகாப்போம்!

தங்களின் பார்வைக்காக குர் ஆனின் சூராக்களும், அதில் உள்ள வசனங்களின் அட்டவனையை தயார் செய்து கீழே தந்துள்ளேன்.

எண்	சூராவின் பெயர்கள்	வசனங்கள்
1	அல் ஃபாத்திஹா	7
2	சூரத்துல் பகரா	286
3	சூரத்துல் ஆல இம்ரான்	200
4	சூரத்துன் நிஸா	176
5	சூரத்துல் மாயிதா	120
6	சூரத்துல் அன்ஆம்	165
7	சூரத்துல் அஃராஃப்	206
8	சூரத்துல் அன்ஃபால்	75
9	சூரத்துத் தஃவ்பா	129
10	சூரத்துல் யூனுஸ்	109
11	சூரத்துல் ஹூது	123
12	சூரத்துல் யூசுஃப்	111
13	சூரத்துல் ராஃது	43
14	சூரத்துல் இபுராஹிம்	52
15	சூரத்துல் ஹிஜ்ர்	99
16	சூரத்துல் நஹ்ல்	128
17	பனி இஸ்ராயீல்	111
18	சூரத்துல் கஹ்ஃப்	110
19	சூரத்துல் மரியம்	98
20	சூரத்துத் தாஹா	135
21	சூரத்துல் அன்பியா	112
22	சூரத்துல் ஹஜ்	78
23	சூரத்துல் முஃமினூன்	118
24	சூரத்துந் நூர்	64
25	சூரத்துல் ஃபுர்கான்	77
26	சூரத்துல் ஷுஹரா	227
27	சூரத்துந் நம்லி	93
28	சூரத்துல் கஸஸ்	88
29	சூரத்துல் அன்கபூத்	69
30	சூரத்துல் ரூம்	60
31	சூரத்துல் லுக்மான்	34
32	சூரத்துல் ஸஜ்தா	30
33	சூரத்துல் அஹ்ஜாப்	73
34	சூரத்துல் ஸபா	54
35	சூரத்துல் ஃபாத்தீர்	45
36	சூரத்துல் யாஸீன்	83
37	சூரத்துல் ஸாஃப்ஃபாத்	182
38	சூரத்துல் ஸாத்	88
39	சூரத்துஜ் ஜுமர்	75
40	சூரத்துல் முஃமீன்	85
41	சூரத்துல் ஹாமீம் ஸஜ்தா	54
42	சூரத்துல் ஷூரா	53
43	சூரத்துல் ஜுக்ரூஃப்	89
44	சூரத்துல் துகான்	59
45	சூரத்துல் ஜாஸியா	37
46	சூரத்துல் அஹ்காஃப்	35
47	சூரத்துல் முஹம்மது	38
48	சூரத்துல் ஃபதஹ்	29
49	சூரத்துல் ஹுஜூராத்	18
50	சூரத்துல் ஃகாஃப்	45
51	சூரத்துத் தாரியாத்	60
52	சூரத்துத் தூர்	49
53	சூரத்துந் நஜ்ம்	62
54	சூரத்துல் கமர்	55
55	சூரத்துர் ரஹ்மான்	78
56	சூரத்துல் வாகியா	96
57	சூரத்துல் ஹதீத்	29
58	சூரத்துல் முஜாதலா	22
59	சூரத்துல் ஹஷீர்	24
60	சூரத்துல் மும்தஹினா	13
61	சூரத்துல் ஸஃப்ஃபு	14
62	சூரத்துல் ஜுமுஆ	11
63	சூரத்துல் முனாஃபிக்கூன்	11
64	சூரத்துல் தகாபூன்	18
65	சூரத்துல் தலாக்	12
66	சூரத்துத் தஹ்ரீம்	12
67	சூரத்துல் முல்க்	30
68	சூரத்துல் கலம்	52
69	சூரத்துல் ஹாஃக்ஃகா	52
70	சூரத்துல் மஆரிஜ்	44
71	சூரத்து நூஹ்	28
72	சூரத்துல் ஜின்னு	28
73	சூரத்துல் முஸ்ஸம்மில்	20
74	சூரத்துல் முத்தஸ்ஸிர்	56
75	சூரத்துல் கியாமா	40
76	சூரத்துத் தஹ்ர்	31
77	சூரத்துல் முர்ஸலாத்	50
78	சூரத்துந் நபா	40
79	சூரத்துல் நாஜியாத்	46
80	சூரத்து அபஸ‌	42
81	சூரத்துத் தக்வீர்	29
82	சூரத்துல் இன்ஃபிதார்	19
83	சூரத்துல் முதஃப்ஃபிஃபீன்	36
84	சூரத்துல் இன்ஷிகாக்	25
85	சூரத்துல் புரூஜ்	22
86	சூரத்துல் தாரிக்	17
87	சூரத்துல் ஆலா	19
88	சூரத்துல் காஷியா	26
89	சூரத்துல் ஃபஜ்ரி	30
90	சூரத்துல் பலத்	20
91	சூரத்துஷ் ஷம்ஸ்	15
92	சூரத்துல் லைல்	21
93	சூரத்துல் ளுஹா	11
94	சூரத்து அலம் நஸ்ரஹ்	8
95	சூரத்துத் தீன்	8
96	சூரத்துல் அலக்	19
97	சூரத்துல் கத்ரி	5
98	சூரத்துல் பய்யினா	8
99	சூரத்துஜ் ஜில்ஜால்	8
100	சூரத்துல் ஆதியாத்தி	11
101	சூரத்து அல்காரியா	11
102	சூரத்துத் தகாஸுர்	8
103	சூரத்துல் அஸ்ரி	3
104	சூரத்துல் ஹுமஜா	9
105	சூரத்துல் ஃபீல்	5
106	சூரத்து குறைஷின்	4
107	சூரத்துல் மாவூன்	7
108	சூரத்துல் கவ்ஸர்	3
109	சூரத்துல் காஃபிரூன்	6
110	சூரத்துந் நஸ்ர்	3
111	சூரத்துல் லஹப்	5
112	சூரத்துல் இக்லாஸ்	4
113	சூரத்துல் ஃபலக்	5
114	சூரத்துந் நாஸ்	6

மொத்தம் - 6236 வசனங்கள்.

குர்ஆனில் மொத்த வசனங்கள் "6666" என்பது பொய் என்றும் "6236" தான் உண்மை என்பதை அனைவருக்கும் பரப்புவோம் இன்ஷா அல்லாஹ்!

வீண் குழப்பத்திலிருந்தும், நசாராக்களின் சூழ்ச்சியிலிருந்தும் அல்லாஹ் இந்த உம்மத்தைப் பாதுகாப்பானாக! ஆமீன்!


கட்டுரை: முத்து